Hljóðhimnar

Innsetning

Staður til að uppgötva töfraheim hljóðs og tóna í Hörpu Tónlistarhúsi.

Hljóðhimnar er væntanlegt upplifunarrými fyrir börn og fjölskyldur á jarðhæð Hörpu - staður til að uppgötva töfraheim hljóðs og tóna. Hljóðhimnar er afmælispakki frá Hörpu og íbúum hennar til allra barna, verkefni sem unnið var á 10 ára afmælisári hússins 2021 og opnar vorið 2022.

Í rýminu er hægt að uppgötva tóna tengda íbúum Hörpu, bæði stórum og smáum, allt frá tónelsku músinni Maxímús Músíkús til Sinfóníuhljómsveitar Íslands, frá Íslensku óperunni til Stórsveitar Reykjavíkur. 

Rýmið sjálft er innblásið af heillandi ferðalagi hljóðbylgja inn í eyrað, það er þrískipt og hlutast í Ytra eyra, Miðeyra og Innra eyra. Ytra eyrað beinir athyglinni að hljóðfæraleik og samspili og býður börnum tækifæri til að setja sig í spor hljómsveitarstjóra sinfóníuhljómsveitar. Í Miðeyranu opnum við tóneyrað fyrir tónlistinni sem býr í náttúrunni og gerum tilraunir með hljóðeðlisfræði - enda hreyfir hljóð loftið og tónlistin hreyfir við okkur. Í innra eyranu kynnumst við tónlistarstefnum og straumum, hvernig hægt er að ferðast um heimsins höf með því að hlusta á tónlist.

Formfræði rýmisins sprettur upp úr rannsókn á fornri nótnaskrift og hvernig maðurinn hefur leitast við að miðla tónlist sjónrænt. Óvæntur samhljómur í handmáluðum fornum tíbetskum nótnahandritum og digital skjámyndum af hljóðbylgjum varð grunnurinn sem við byggðum á. Formin eignuðust óvæntan samnefnara í öldurótinu sem bylgjast í hafinu umleikis húsið og heillaði börnin sem komu í heimsókn til að vinna með okkur í upphafi verkefnisins.

Samstarfsverkefni

ÞYKJÓ leiddi hönnunarferlið í samstarfi við Krakkaráð ÞYKJÓ, Hörpu, Gagarín, Vísindasmiðjuna, Irma og Reykjavík Audio. Hönnuðir ÞYKJÓ unnu með föstum íbúum hússins við að finna tónlist þeirra farveg í rýminu á forsendum upplifunarhönnunar og gagnvirkrar hönnunar.

Samstarfsverkefni

ÞYKJÓ leiddi hönnunarferlið í samstarfi við Krakkaráð ÞYKJÓ, Hörpu, Gagarín, Vísindasmiðjuna, Irma og Reykjavík Audio. Hönnuðir ÞYKJÓ unnu með föstum íbúum hússins við að finna tónlist þeirra farveg í rýminu á forsendum upplifunarhönnunar og gagnvirkrar hönnunar.

Hljóðhimnar

Innsetning

Staður til að uppgötva töfraheim hljóðs og tóna í Hörpu Tónlistarhúsi.

Hljóðhimnar er væntanlegt upplifunarrými fyrir börn og fjölskyldur á jarðhæð Hörpu - staður til að uppgötva töfraheim hljóðs og tóna. Hljóðhimnar er afmælispakki frá Hörpu og íbúum hennar til allra barna, verkefni sem unnið var á 10 ára afmælisári hússins 2021 og opnar vorið 2022.

Í rýminu er hægt að uppgötva tóna tengda íbúum Hörpu, bæði stórum og smáum, allt frá tónelsku músinni Maxímús Músíkús til Sinfóníuhljómsveitar Íslands, frá Íslensku óperunni til Stórsveitar Reykjavíkur. 

Rýmið sjálft er innblásið af heillandi ferðalagi hljóðbylgja inn í eyrað, það er þrískipt og hlutast í Ytra eyra, Miðeyra og Innra eyra. Ytra eyrað beinir athyglinni að hljóðfæraleik og samspili og býður börnum tækifæri til að setja sig í spor hljómsveitarstjóra sinfóníuhljómsveitar. Í Miðeyranu opnum við tóneyrað fyrir tónlistinni sem býr í náttúrunni og gerum tilraunir með hljóðeðlisfræði - enda hreyfir hljóð loftið og tónlistin hreyfir við okkur. Í innra eyranu kynnumst við tónlistarstefnum og straumum, hvernig hægt er að ferðast um heimsins höf með því að hlusta á tónlist.

Formfræði rýmisins sprettur upp úr rannsókn á fornri nótnaskrift og hvernig maðurinn hefur leitast við að miðla tónlist sjónrænt. Óvæntur samhljómur í handmáluðum fornum tíbetskum nótnahandritum og digital skjámyndum af hljóðbylgjum varð grunnurinn sem við byggðum á. Formin eignuðust óvæntan samnefnara í öldurótinu sem bylgjast í hafinu umleikis húsið og heillaði börnin sem komu í heimsókn til að vinna með okkur í upphafi verkefnisins.

Samstarfsverkefni

ÞYKJÓ leiddi hönnunarferlið í samstarfi við Krakkaráð ÞYKJÓ, Hörpu, Gagarín, Vísindasmiðjuna, Irma og Reykjavík Audio. Hönnuðir ÞYKJÓ unnu með föstum íbúum hússins við að finna tónlist þeirra farveg í rýminu á forsendum upplifunarhönnunar og gagnvirkrar hönnunar.

Samstarfsverkefni

ÞYKJÓ leiddi hönnunarferlið í samstarfi við Krakkaráð ÞYKJÓ, Hörpu, Gagarín, Vísindasmiðjuna, Irma og Reykjavík Audio. Hönnuðir ÞYKJÓ unnu með föstum íbúum hússins við að finna tónlist þeirra farveg í rýminu á forsendum upplifunarhönnunar og gagnvirkrar hönnunar.