Kyrrðarrými

Hvíldarhjúpur fyrir börn

,,Kyrrðarrými” er ný íslensk hönnunarvara fyrir börn og foreldra þeirra til að skapa ró og næði í dagsins önn.

Kyrrðarrýmin eru hugsuð sem húsgögn á heimilum sem og innsetningar á bókasöfnum, menningarhúsum og opinberum stofnunum.

Kyrrðarrýmin eru innblásin af skjaldbökum, sniglum, kuðungum og fleiri dýrum sem geta horfið inn í skelina sína hvenær sem þörf er á. Hönnuðir ÞYKJÓ unnu náið með líffræðingum á vegum Náttúrufræðistofu Kópavogs við rannsóknir og þróun Kyrrðarrýmanna.

Hönnuðir ÞYKJÓ höfðu listamannadvöl í Stúdíó Gerðar í Gerðarsafni frá byrjun janúar til loka apríl 2021 og unnu að verkefninu á því tímabili. Vinnuferlið var opið almenningi og innsetningin ,,Skríðum inn í skel” miðlaði hvernig hönnuðir grúskuðu í safnkosti Náttúrufræðistofu Kópavogs og Gerðarsafns í rannsóknarferlinu. Mörg hundruð skólabörnum var boðið í leiðsögn um innsetninguna og listasmiðju þar sem þau fengu innsýn í vinnu hönnuða með form úr náttúrunni, vinnu með stærðarhlutföll og vöruþróun.

Hugað er að loftgæðum, birtu og hljóðvist við hönnun rýmanna og þau eru alfarið unnin í samstarfi við handverksfólk á Íslandi. Smiðirnir Luis Castillo Nassur og Ögmundur Jónsson hjá IRMA Studio smíðuðu Kyrrðarrýmin af hugvitssemi og natni. Þau eru smíðuð úr valchromat sem eru umhverfisvottaðar harðtrefjaplötur gegnum litaðar með lífrænum lit. Dýnurnar eru bólstraðar með ullaráklæði sem er ofið úr ull sem fellur til í tískuiðnaði á Ítalíu.

Kyrrðarrýmin eru umlykjandi, ávöl, bólstruð rými sem halda vel utan um þann sem í þeim dvelur - en hleypa þó birtu í gegn og hafa útsýni. Þau skerma af umhverfið að hluta til. Rýmin eru tilvalin til að slappa af í og fá þannig kyrrð inn í daginn.

Kuðungur

Kuðungsskel vex smám saman með lindýrinu inn í henni. Á skelinni má sjá vaxtarlínur sambærilegar árhringjum í trjám. Yfirborð skeljana geta verið fjölbreytt og það er oft hrjúft. Sumar eru að auki með ævintýraleg rifja mynstur sem stingast upp úr yfirborðinu. Það var innblástur fyrir okkur að vinna með lagskiptingu, endurtekningar og mynstur í Kuðungnum. Að utan er hann sums staðar rifflaður en að innan er hann sléttari með fíngerðu mynstri.

Snigill

Snigill er svifaseinn, látlaus og fer hægt yfir. Það var okkur hugleikið að hafa Snigilinn einfaldan. Hann er nánast samhverfur með sýnilegar festingar með fleygum sem vísa í gamalt handverk. Útsýni úr honum er á einn veg.

Kyrrðarrými

Hvíldarhjúpur fyrir börn

,,Kyrrðarrými” er ný íslensk hönnunarvara fyrir börn og foreldra þeirra til að skapa ró og næði í dagsins önn.

Kyrrðarrýmin eru hugsuð sem húsgögn á heimilum sem og innsetningar á bókasöfnum, menningarhúsum og opinberum stofnunum.

Kyrrðarrýmin eru innblásin af skjaldbökum, sniglum, kuðungum og fleiri dýrum sem geta horfið inn í skelina sína hvenær sem þörf er á. Hönnuðir ÞYKJÓ unnu náið með líffræðingum á vegum Náttúrufræðistofu Kópavogs við rannsóknir og þróun Kyrrðarrýmanna.

Hönnuðir ÞYKJÓ höfðu listamannadvöl í Stúdíó Gerðar í Gerðarsafni frá byrjun janúar til loka apríl 2021 og unnu að verkefninu á því tímabili. Vinnuferlið var opið almenningi og innsetningin ,,Skríðum inn í skel” miðlaði hvernig hönnuðir grúskuðu í safnkosti Náttúrufræðistofu Kópavogs og Gerðarsafns í rannsóknarferlinu. Mörg hundruð skólabörnum var boðið í leiðsögn um innsetninguna og listasmiðju þar sem þau fengu innsýn í vinnu hönnuða með form úr náttúrunni, vinnu með stærðarhlutföll og vöruþróun.

Hugað er að loftgæðum, birtu og hljóðvist við hönnun rýmanna og þau eru alfarið unnin í samstarfi við handverksfólk á Íslandi. Smiðirnir Luis Castillo Nassur og Ögmundur Jónsson hjá IRMA Studio smíðuðu Kyrrðarrýmin af hugvitssemi og natni. Þau eru smíðuð úr valchromat sem eru umhverfisvottaðar harðtrefjaplötur gegnum litaðar með lífrænum lit. Dýnurnar eru bólstraðar með ullaráklæði sem er ofið úr ull sem fellur til í tískuiðnaði á Ítalíu.

Kyrrðarrýmin eru umlykjandi, ávöl, bólstruð rými sem halda vel utan um þann sem í þeim dvelur - en hleypa þó birtu í gegn og hafa útsýni. Þau skerma af umhverfið að hluta til. Rýmin eru tilvalin til að slappa af í og fá þannig kyrrð inn í daginn.

Kuðungur

Kuðungsskel vex smám saman með lindýrinu inn í henni. Á skelinni má sjá vaxtarlínur sambærilegar árhringjum í trjám. Yfirborð skeljana geta verið fjölbreytt og það er oft hrjúft. Sumar eru að auki með ævintýraleg rifja mynstur sem stingast upp úr yfirborðinu. Það var innblástur fyrir okkur að vinna með lagskiptingu, endurtekningar og mynstur í Kuðungnum. Að utan er hann sums staðar rifflaður en að innan er hann sléttari með fíngerðu mynstri.

Snigill

Snigill er svifaseinn, látlaus og fer hægt yfir. Það var okkur hugleikið að hafa Snigilinn einfaldan. Hann er nánast samhverfur með sýnilegar festingar með fleygum sem vísa í gamalt handverk. Útsýni úr honum er á einn veg.