Ofurhetjur jarðar

Búningalína fyrir börn

Ofurhetjur Jarðar er fyrsta búningalína ÞYKJÓ í þróun.

Búningarnir eru hannaðir fyrir börn á aldrinum 3 ára til 8 ára, á því skeiði þegar ímyndunarleikir eru hve mikilvægastir í þroska barna. Sníðagerðin stuðlar að því að búningarnir geti passað börnum af ólíkum stærðum og gerðum og henta því vel fyrir búningaleikherbergi á borð við það sem ÞYKJÓ kynnir á Bókasafni Kópavogs á HönnunarMars.

Dýrin í línunni eru ævintýraverur, innblásnar af mögnuðum eiginleikum dýra úr ýmsum vistkerfum jarðar. Búningarnir eru unnir í samstarfi við uppeldisfræðinga, líffræðinga og - síðast en ekki síst - í samstarfi við börn.

Við nýtum eftir fremsta magni afskorninga sem falla til við staðbundna textílframleiðslu og kaupum upp afgangslagera til að minnka kolefnissporið. Á meðal fyrirtækja sem ÞYKJÓ nýtir afganga frá eru Seglagerðin Ægir, Burstagerðin, Hampiðjan, Rauði Krossinn og Ullarverksmiðjan Gilshaga. Efnin eru meðal annars valin út frá því hvernig þau hreyfast í leik og örva þannig hreyfiþroska sem og hvernig þau eru viðkomu og örva snertiskyn.

Ástarfuglinn

Ástarfuglinn er innblásinn af litríkum fuglum á borð við paradísarfugla, páfugla og trönur. Þeir eru þekktir fyrir stórkostleg dansspor og mikið sjónarspil þegar þeir stíga í vænginn við aðra fugla. Búningurinn hvetur börn til að sveifla sér með útbreidda arma, vagga höfðinu með fjaðurskúf og stíga önnur spor en vanalega með framandi fuglafitum.

Feludýrið

Feludýrið er innblásið af dýrum sem geta horfið inn í skelina sína á svipstundu, eins og skjaldbökur, sniglar og kuðungar. Þetta eru dýr sem hreyfa sig hægt og rólega og ferðast með húsið sitt á bakinu. Feludýrið höfðar til þess sem er sjálfum sér nógur, vill fá að vera í friði og ró og dunda sér. Skelin er einnig tilvalin til að leggjast ofan á og lesa eða láta hugann reika.

Ofurhetjur jarðar

Búningalína fyrir börn

Ofurhetjur Jarðar er fyrsta búningalína ÞYKJÓ í þróun.

Búningarnir eru hannaðir fyrir börn á aldrinum 3 ára til 8 ára, á því skeiði þegar ímyndunarleikir eru hve mikilvægastir í þroska barna. Sníðagerðin stuðlar að því að búningarnir geti passað börnum af ólíkum stærðum og gerðum og henta því vel fyrir búningaleikherbergi á borð við það sem ÞYKJÓ kynnir á Bókasafni Kópavogs á HönnunarMars.

Dýrin í línunni eru ævintýraverur, innblásnar af mögnuðum eiginleikum dýra úr ýmsum vistkerfum jarðar. Búningarnir eru unnir í samstarfi við uppeldisfræðinga, líffræðinga og - síðast en ekki síst - í samstarfi við börn.

Við nýtum eftir fremsta magni afskorninga sem falla til við staðbundna textílframleiðslu og kaupum upp afgangslagera til að minnka kolefnissporið. Á meðal fyrirtækja sem ÞYKJÓ nýtir afganga frá eru Seglagerðin Ægir, Burstagerðin, Hampiðjan, Rauði Krossinn og Ullarverksmiðjan Gilshaga. Efnin eru meðal annars valin út frá því hvernig þau hreyfast í leik og örva þannig hreyfiþroska sem og hvernig þau eru viðkomu og örva snertiskyn.

Ástarfuglinn

Ástarfuglinn er innblásinn af litríkum fuglum á borð við paradísarfugla, páfugla og trönur. Þeir eru þekktir fyrir stórkostleg dansspor og mikið sjónarspil þegar þeir stíga í vænginn við aðra fugla. Búningurinn hvetur börn til að sveifla sér með útbreidda arma, vagga höfðinu með fjaðurskúf og stíga önnur spor en vanalega með framandi fuglafitum.

Feludýrið

Feludýrið er innblásið af dýrum sem geta horfið inn í skelina sína á svipstundu, eins og skjaldbökur, sniglar og kuðungar. Þetta eru dýr sem hreyfa sig hægt og rólega og ferðast með húsið sitt á bakinu. Feludýrið höfðar til þess sem er sjálfum sér nógur, vill fá að vera í friði og ró og dunda sér. Skelin er einnig tilvalin til að leggjast ofan á og lesa eða láta hugann reika.